"ನಮ್ರತೆಯ ನಮನ"

ನೀಲಿಯಾ ಗಗನದಲಿ ಬಿಳಿಯ ಬಣ್ಣದ ಮೋಡ
ಪರಿಶುದ್ಧ ಆಗಸ- ಕಣ್ತುಂಬಿಕೊಳ್ಳಿ ||
ಸಸ್ಯಶ್ಯಾಮಲೆ ತಾಯಿ- ಜೀವ ಜಾಲವೆ ಅಸ್ತಿ
ಬಡಬಡಿಸದೆ ಬಾಯನು ಮುಚ್ಚಿಕೊಳ್ಳಿ || 1 ||

ಭೂಮಿ ನಡುಗಿದಳು- ಪ್ರಕೃತಿ ಮುನಿದಿಹಳು
ಎಂದೇಕೆ ಹಲಬುವಿರಿ ವ್ಯರ್ಥವಾಗಿ ||
ಎಷ್ಟೊವರ್ಷಕೆ ಒಮ್ಮೆ, ಜಾತೆ ಮೈಕೊಡವಿದರೆ
ಜೀವಿಗಳ ತಳಮಳವು ಸಹಜವಾಗಿ || 2 ||

ಭೂಮಿ ಮಾತೆಯು ತನ್ನ ಸರ್ವವನು ಕಾಪಿಟ್ಟು
ಕುಳಿತಿಹಳು ಕಾಯುತ್ತ ಶುಭವ ಕೋರಿ ||
ಅವಳ ಮಹಿಮೆಯ ಸಿರಿಯ ನೋಡಿ ಆನಂದಿಸುವ
ಮನವ ಹೊಂದುವುದೊಂದೆ ಈಗ ದಾರಿ || 3 ||

ಧರಣಿ ದೇವಿಯ ಪೂಜ್ಯ ಪಾದ ಪದ್ಮಗಳಲ್ಲಿ
ನಮ್ರತೆಯ ನಮನಗಳ ಸಲಿಸಿಬಿಡುವ ||
ಭೂಮಿ ಮೇಲಿನ ಬದುಕು ನಮಗೆ ಅವಳಿತ್ತ ಕೃಪೆ
ಕೃತಜ್ಞತೆಯ ಭಾವದಲಿ ಕರಗಿ ಬಿಡುವ || 4 ||

- ಸುರೇಖಾ ಭಟ್ ಭೀಮಗುಳಿ
28/05/2015

ಚಿತ್ರಕೃಪೆ: Rohini Hs- ನಮ್ ನಗರ ಗ್ರೂಪ್