ಚಂಚಲೆ

" ಚಂಚಲೆ "

ಪ್ರಕೃತಿಯು ಹೆಣ್ಣೆಂದು ಗುರುತಿಸುವುದೀಜಗವು
ಅರಿವಾಯ್ತು ಏಕೆಂದು ಇಂದು ನನಗೆ ||
ಸ್ತ್ರೀಯು ಚಂಚಲೆಯೆಂದು ಜರೆಯುವುದು ಮೂರ್ಲೋಕ
ಸ್ಥಿರವಿರದು ಅವಳ ಮನ ಅರ್ಧ ಗಳಿಗೆ || 1 ||

ಇಂದಿತ್ತು ಹೊಂಬಿಸಿಲು, ನಿನ್ನೆ ಸುರಿದಿತ್ತು ಮಳೆ
ಮಂಜು ಮುಸುಕಿತ್ತು ಬೆಳಗಿನಾ ಜಾವ ||
ಚಣಚಣಕೆ ಮನವನ್ನು ಬದಲಿಸುವ ಪರಿಯೇನು ?
ಅದು ತಾನೆ ಷೋಡಶದ ಹೆಣ್ಣ ಭಾವ ? || 2 ||

ಹೆಣ್ಣಿನಾ ಮನವನ್ನು ಅರಿಯಬಲ್ಲವರಿಲ್ಲ
ಸೃಷ್ಟಿ ನಿಯಮದ ಮುಂದೆ ಯಾರದೇನು ? ||
ಆಗಾಗ ಬದಲಾಗಿ ಮುದಗೊಳಲಿ ಪ್ರಕೃತಿಯು
ತನ್ಮಯದಿ ಗಮನಿಸುವೆ ಅದನು ನಾನು || 3 ||

- ಸುರೇಖಾ ಭೀಮಗುಳಿ
05/06/2015

ಚಿತ್ರಕೃಪೆ : ಅಂತರ್ ಜಾಲ
ಚಿತ್ರ ಸಂಯೋಜನೆ : ಸುಮಂತ ಕಶ್ಯಪ್