"ಸ್ಫೂರ್ತಿಯಾತ್ರಾ"

"ಸ್ಫೂರ್ತಿಯಾತ್ರಾ"
***************
ಹೊರಟಿಹೆನು ನಾನಿಂದು ನನ್ನ ಕನಸಿನ ಯಾತ್ರೆ
ಮೂರು ದಿನ ನಿಮಗೆನ್ನ ಕಾಟವಿಲ್ಲ ||
ಪಯಣವದು ನನ್ನದು ಕನ್ಯಾಕುಮಾರಿಯ ಕಡೆಗೆ
ನನ್ನ ಸಂತಸಕಿಂದು ಪಾರವಿಲ್ಲ || 1 ||

ವಿಶ್ವಗುರುವಿನ ಕನಸು ಮನಸಿನಲಿ ತುಂಬಿಹುದು
ಹೋಗಿ ಬರುವೆನು ಒಮ್ಮೆ ಗುರುವಿನೆಡೆಗೆ ||
ಹೊತ್ತು ತರುವೆನು ನಾನು ಒಂದಿಷ್ಟು ಸ್ಫೂರ್ತಿಯನು
ಹುಚ್ಚನ್ನು-ಕಿಚ್ಚನ್ನು ನನ್ನ ಜೊತೆಗೆ || 2 ||

ಚಕ್ರವರ್ತಿಯ ನುಡಿಯು ಹೊಸ ಶಕ್ತಿ ತುಂಬುವುದು 
ನಿರಾಶೆಯ ಭಾವ ಬಿಟ್ಟು ಓಡುವುದು ||
ಪುಣ್ಯಭೂಮಿಯ ಹುಟ್ಟು ಸಾರ್ಥಕ್ಯ ಎನಿಸುವುದು
ಈ ಬದುಕು ದೇವನಾ ಕರುಣೆಯೆನಿಸುವುದು || 3 ||

- ಸುರೇಖಾ ಭಟ್ ಭೀಮಗುಳಿ
11/06/2015 

ಚಿತ್ರಕೃಪೆ : ಇಂಟರ್ ನೆಟ್