" ಮನದ ಹಾಡು "

" ಮನದ ಹಾಡು "
****************
ದಟ್ಟ ಕಾಡ ಮೇಲಿನಿಂದ
ಮೇಘದೋಟ ಸಾಗಿದೆ ||
ಹಚ್ಚ ಹಸಿರ ಚಂದದಲ್ಲಿ
ಪ್ರಕೃತಿಯು ನಲಿದಿದೆ || 1 ||

ಗದ್ದೆ ಬಯಲ ಮಧ್ಯದಲ್ಲಿ
ಹೂಟಿ ಕೆಲಸ ನಡೆದಿದೆ ||
ಹೆಂಚು ಹೊದ್ದ ಮನೆಯ ಒಳಗೆ
ಬಿಸಿಯ ಬೋಂಡ ಕಾದಿದೆ || 2 ||

ಇಂಥ ಚಂದದೂರಿನಲ್ಲಿ
ನನಗು ಮನೆಯು ಬೇಕಿದೆ ||
ಹಳ್ಳಿ ಕೆಲಸ ಮಾಡಲಾರೆ
ಎಂದು ತನುವು ಕೂಗಿದೆ || 3 ||

ಸೊಬಗು ಬೇಕು ಹಸಿರು ಬೇಕು
ಶುದ್ಧ ಗಾಳಿ ಬೇಕಿದೆ ||
ಕಷ್ಟ ಬೇಡ ಶ್ರಮವು ಬೇಡ
ಎಂದು ಮನವು ಹಾಡಿದೆ ! || 4 ||

- ಸುರೇಖಾ ಭೀಮಗುಳಿ
15/10/2015
ಚಿತ್ರ : Vijay Nayak (ನಮ್ ನಗರ ಗ್ರೂಪ್)