" ಶುಭಾಶಯ................"

" ಶುಭಾಶಯ................"
**************************

ನೀವೆಲ್ಲ ಹೊರಟಿಹಿರಿ ಸಾಹಸದ ಯಾತ್ರೆಗೆ
ನನ್ನ ಮನ ಹೊರಟಿಹುದು ನಿಮ್ಮ ಜೊತೆಗೆ ||
ನಮ್ಮ ಯೋಧರನೊಮ್ಮೆ ಮಾತನಾಡಿಸಿ ಸುಖಿಸಿ
ಅದು ತಾನೆ ಯಾತ್ರೆಯ ಶುಭದ ಘಳಿಗೆ ||

ಇಚ್ಚೆ ಇದ್ದರು ಕೂಡ ಬರಲಾರೆ ನಿಮ್ಮೊಡನೆ
ಇಲ್ಲ ನನ್ನಲಿ ಇಂದು ನಿಮ್ಮ ಹರಯ ||
ಗಡಿಯ ಯೋಧರಿಗೆಲ್ಲ ಹೇಳಿ ಬರಲಾರಿರಾ ?
ನನ್ನ ಕಡೆಯಿಂದೊಂದು ಶುಭ ಆಶಯ ||

ಹೊಸ ಸ್ಫೂರ್ತಿ ತುಂಬಲೀ ನಿಮ್ಮ ಆಂತರ್ಯದಲಿ
ಸಂಪನ್ನಗೊಳ್ಳಲೀ ನಿಮ್ಮ ಬಯಕೆ ||
ತಾಯಿ ಭಾರತಿಯ ರಕ್ಷೆ ನಿಮ್ಮೊಂದಿಗಿರಲೆಂದು
ಇಲ್ಲಿಂದಲೇ ನಿಮಗೆ ನನ್ನ ಹರಕೆ ||

- ಸುರೇಖಾ ಭೀಮಗುಳಿ
01/10/2015
ಚಿತ್ರಕೃಪೆ: Neelesh Jadhav ಅವರ ಟೈಂಲೈನ್ ನಿಂದ.