" ಭೂತ - ಭವಿಷ್ಯ- ವರ್ತಮಾನ "

" ಭೂತ - ಭವಿಷ್ಯ- ವರ್ತಮಾನ "
*******************************

ಕಳೆದ ಭೂತದ ಬಗೆಗೆ ಹಲುಬುವುದು ಯಾತಕೇ ?
ಮತ್ತೇನು ಅದು ಚಿಗುರಿ ಎದುರು ನಿಲದು ||
ಭವಿಷ್ಯದ ಕುರಿತಾದ ಚಿಂತೆಯೂ ಬೇಕಿಲ್ಲ
ನಾಳೆ ಇರುತೇವೆಂಬ ಭರವಸೆಯೆ ಇಲ್ಲ ! || ೧ ||

ಹಿಂದಿನದು ನೆನಪಿರಲಿ ನೋವುಗಳ ಮರೆತುಬಿಡಿ
ಹಾಸ್ಯಲೇಪವ ಹಚ್ಚಿ ಖುಷಿಯಪಡಿರಿ ||
ಹಳೆಯದೆಲ್ಲವ ಗೆದ್ದ ಹೆಮ್ಮೆಯನು ಹೊಂದುತಲಿ
ಇಂದು ತಲುಪಿದ ಸ್ಥಿತಿಯ ಒಪ್ಪಿಕೊಳಿರಿ || ೨ ||

ಭವಿಷ್ಯದ ಬಗೆಗೊಂದು ಕನಸಿರಲಿ ಮನಸಿನಲಿ
ಒಳ್ಳೆಯದೆ ಬರಲೆಂಬ ನಿರೀಕ್ಷೆಯಿರಲಿ ||
ಮುಂಬರುವ ಕಷ್ಟಗಳ ಎದುರಿಸುವ ಭಾವದಲಿ
ನಮ್ಮ ಒಳಗಿನ ಮನಸು ಸಿದ್ಧವಿರಲಿ || ೩ ||

ನಿನ್ನೆಯಾ ನೆನಪಿನಲಿ ಮುಂದಿನಾ ಕನಸಿನಲಿ
ಇಂದು ಸುಖಿಸುವ ಕ್ಷಣವು ಜಾರದಿರಲಿ ||
ಈ ಬಾಳನಿತ್ತವಗೆ ಕೊನೆಗೊಳಿಸಬಲ್ಲವಗೆ
ಎಲ್ಲವನು ಹೊರಿಸಿ ಮನ ಹಗುರಗೊಳಲಿ || ೪ ||

- ಸುರೇಖಾ ಭೀಮಗುಳಿ
05/11/2015
ಚಿತ್ರ : ಅಂತರ್ಜಾಲ

ನನ್ನ " ಭಾವ ಭಿತ್ತಿ " ಪುಟಕ್ಕೆ ಸ್ವಾಗತ......
https://www.facebook.com/surekha.bheemaguli