" ಇಲ್ಲಗಳ ನಡುವೆ "

ಮಾವನಾ ತಿಥಿಯೆಂದು ಇವರೂರಿಗೋಗಿಹರು
ನನ್ನ ಕೇಳುವರಾರು ಈ ಮನೆಯಲಿ ? || ಪಲ್ಲವಿ ||

"ಬೆಳಗಾಯ್ತು ಎದ್ದೇಳು ಮಕ್ಕಳಿಗೆ ತಡವಾವ್ತು"
ಎಂದೆನ್ನ ಇಂದಾರು ಎಬ್ಬಿಸುವರಿಲ್ಲ ||
ಅಂಗಳವ ಗುಡಿಸುತ್ತ ನೀರನ್ನು ಚಿಮುಕಿಸುತ
ರಂಗವಲ್ಲಿಯನಿಡಲು ಕರೆವರಿಲ್ಲ || ೧ ||

ಅಡಿಗೆಮನೆ ಕೆಲಸದಲಿ ಜೊತೆಯನ್ನು ಒದಗಿಸುತ
ಈರುಳ್ಳಿ ಹೆಚ್ಚಿಡುವ ಇನಿಯನಿಲ್ಲ ||
ಮನೆಕೆಲಸ ಸಮಯದಲಿ ದಣಿವಾಯ್ತೆ ಎನ್ನುತಲಿ
ಕನಿಕರಿಪ ಪತಿರಾಯ ಮನೆಯೊಳಿಲ್ಲ || ೨ ||

ಬಿಟ್ಟು ಬಾ ಗಣಕವನು ಎಸೆದು ಬಿಡು ಚರವಾಣಿ
ಬಂದು ಬಿಡು ನೀ ಬೇಗ ಎನುವರಿಲ್ಲ ||
ಅವರಿರುವ ಸಮಯದಲಿ ಸೆಳೆಯುವುದು ವಾಟ್ಸಾಪು
ಇಂದೇತಕೋ ಏನೊ ಸೆಳೆಯುತಿಲ್ಲ ! || ೩ ||

- ಸುರೇಖಾ ಭೀಮಗುಳಿ
16/06/2016
ಚಿತ್ರ : ಅಂತರ್ಜಾಲ

ನನ್ನ " ಭಾವ ಭಿತ್ತಿ " ಪುಟಕ್ಕೆ ಸ್ವಾಗತ......
https://www.facebook.com/surekha.bheemaguli

( ಅಷ್ಟೆಲ್ಲ ಏನೂ ಕೋಲ ಇಲ್ಲ... ನಾಳೆ ವಾಪಾಸ್ ಬರ್ತಾರೆ.... ಏನೋ ಎಲ್ಲರು ಫೇಸ್ ಬುಕ್ ನಲ್ಲಿ "ಅವರಿಲ್ದೂಟ" ಅಂಥ ಪದ್ಯ(Mohini damle) ... ಲೇಖನ (Rajanikant mrugavade) ಬರೆದ್ರಲ್ಲ.... ನಾನೂ ಏನಾದ್ರು ಬರೆಯೋಣ ಅಂಥ ಶುರುಮಾಡ್ದೆ... ಹೀಗಾಯ್ತು ನೋಡಿ ಕಥೆ.... ಏನು ಪ್ರೇಮಕವಿ ಬರೆದ್ರೆ ಮಾತ್ರ ಪ್ರೇಮಗೀತೆನಾ ? ... ನಾವು ಬರೆದ್ರೆ ಅದಕ್ಕೆ ವ್ಯಾಲ್ಯೂನೆ ಇಲ್ವಾ... ? ಹ್ಹಹ್ಹಹ್ಹಾ.... )