" ಹಬ್ಬಗಳ ನೆನಪು "

" ಹಬ್ಬಗಳ ನೆನಪು "
****************
ಸಂಕ್ರಾಂತಿ ನೆನೆಸಿತು ಸುಗ್ಗಿಯ ಸಂಭ್ರಮ
ಹೊಸಧಾನ್ಯಗಳ ರಾಶಿಯನು ||
ಯುಗಾದಿ ತಂದಿತು ನವೀನ ವರುಷವ
ಬೇವ್ಬೆಲ್ಲದ ಸಿಹಿ ಕಹಿಯನ್ನು || 1 ||

ದೀಪಾವಳಿಯಾ ಸಂಭ್ರಮ ಬೆಸೆಯಿತು
ಡಂಡಂಗುಟ್ಟುವ ಪಟಾಕಿಯು ||
ಗೌರೀ -ಗಣಪತಿ ಜೊತೆಯಲಿ ಬೆರೆತವು
ಕಡಬೂ ಕಜ್ಜಾಯ ಮೋದಕವು || 2 ||

ಕ್ರಿಸ್ಮಸ್ ಹಬ್ಬವು ಕೇಕನು ನೆನೆಸಿತು
ಚರ್ಚಿನ ದೀಪದ ಸರಮಾಲೆ ||
ಕ್ರಿಸ್ಮಸ್ ಮರವೂ ಕಣ್ಮನ ಸೆಳೆಯಿತು
ಮೇರಿಯಮ್ಮನಾ ಎಳೆಬಾಲೆ || 3 ||

ರಂಜಾನ್ ಹಬ್ಬದ ಸಂಭ್ರಮ ತೋರಿತು
ನೆನೆಸಿತು ಹಗಲಿನ ಉಪವಾಸ ||
ಬಕ್ರೀದ್ ಹಬ್ಬವು ಕಣ್ಮುಂದೆ ತಂದಿತು
ಕೊಬ್ಬಿದ ಮೇಕೆಯ ಹಸಿಮಾಂಸ || 4 ||

- ಸುರೇಖಾ ಭೀಮಗುಳಿ
25/09/2015
ಚಿತ್ರಕೃಪೆ : ಅಂತರ್ಜಾಲ