"ಹೊಂಗೆಯ ಗುಂಗು"

ಹೊಂಗೆಯ ಗಾಳಿಯು ತೀಡುತ ಬರುತಿರೆ

ನನ್ನಯ ಮನಸಿಗೆ ಮುದನೀಡಿ ||

ಹಚ್ಚ ಹಸಿರಿನಾ ಸ್ವಚ್ಛ ಪರಿಸರ

ಹೊಂಗೆಯ ಪ್ರಭಾವದಾ ಮೋಡಿ ! || 1 ||

ಅಂಗಳ ಗುಡಿಸಿದ ಕೆಲವೇ ಕ್ಷಣದಲಿ

ಹೊಂಗೆಯ ಹೂಗಳ ನೆಲಹಾಸು ||
ಮನೆಯಂಗಳಕೆ ಹೂವಿನ ರಂಗೋಲಿ
ಕೇಳದೆ ನನ್ನನು ಬಿಡಿಗಾಸು || 2 ||

ಮಧುವನು ಹುಡುಕುತ ಜೇನ್ನೊಣ ಬಂದಿದೆ
ಹೂವಿನ ಜಾಡನು ಅರಸುತ್ತಾ || 
ಮರದಲಿ ತುಂಬಿದ ಹೂಗಳ ನೋಡಿದೆ
ಯಾವುದನ್ನಾಯಲಿ ಎನ್ನುತ್ತಾ || 3 ||

ಹೊಂಗೆಯ ನೆರಳದು ಅಂಗಳ ತುಂಬಿದೆ
ತಂಪಿನ ಭಾವವ ನೀಡುತಲಿ ||
ಬೀಸಿದ ಗಾಳಿಗೆ ಎಲೆಗಳ ನರ್ತನ
ಹರುಷದ ಹೊನಲನು ಹರಿಸುತಲಿ || 4 ||

-ಸುರೇಖಾ ಭಟ್, ಭೀಮಗುಳಿ
21/03/2015