ನಂದೂ - ಮೋಹಿನಿದೂ ಕಥೆ !

ಕಬ್ಬ ಹಬ್ಬದ ಹೆಳೆಯ ಹಿಡಿಯುತ
ಬಂದ ಗೆಳತಿಯು ಮೋಹಿನಿ ||
ನಮ್ಮ ಊರಿನ ಹಲಸು ತೋಟದಿ
ಸವಿದ ಸ್ನೇಹದ ಮಧುಹನಿ || ೧ ||

ವನವಿಹಾರದಿ ದಾಳಿಯಿಟ್ಟವು
ಸೊಳ್ಳೆ ದಂಡದು ಒಮ್ಮೆಗೆ ||
ಕಚ್ಚಿದೊಡನೆಯೆ ಪ್ರಾಣ ಬಿಟ್ಟವು
ನಮ್ಮ ಮುದ್ದಿನ ಪೆಟ್ಟಿಗೆ || ೨ ||

ಸಣ್ಣ ಗುಜ್ಜೆಯ ಬಲಿತ ಕಾಯಿಯ
ಹಲಸು ಹಣ್ಣನು ಕೊಂಡಳು ||
ಅಲ್ಲೆ ಮೇಯುತಲಿದ್ದ ಹಸುವನು
ಬಿಡದೆ ಮುದ್ದಿಸಿ ಹೋದಳು || ೩ ||

ಹಲಸು ಬಾಗಿನ ಕೊಟ್ಟು ಕಳಿಸಿಹೆ
ನಮ್ಮ ಸರಸತಿ ಕೂಸಿಗೆ ||
ನಮ್ಮನೆಲ್ಲರ ನೆನೆದು ಸವಿಯಲಿ
ಗುಜ್ಜೆ ಪಲ್ಯವ ಮೆಲ್ಲಗೆ || ೪ ||

- ಸುರೇಖಾ ಭೀಮಗುಳಿ
13/06/2017
ಚಿತ್ರ : ರಾಮಕೃಷ್ಣ ದಾಮ್ಲೆ ಸರ್