ಮಾರುದ್ದ ಹೂಕೋದು ಬುಟ್ಟಿಯಲಿ ತುಂಬಿಸುತ
ಮಾರಹೊರಟಿಹಳವಳು ಹೂವ ಹುಡುಗಿ ||
ದಾರಿಯಲಿ ಕಂಡೆಲ್ಲ ಮಂದಿಯಲಿ ಕೋರುವಳು
ಬಾರಿ ಚಂದದ ಮೊಲ್ಲೆ - ಕೊಳ್ವರಾಗಿ || ೧ ||
ಕಾರಿನಲಿ ಬಂದವರೆ ಹೂವು ಬೇಡವೆ ನಿಮಗೆ ?
ಸೀರೆಯೊಡತಿಯೆ ಕೊಂಚ ಹೂವ ಕೊಡಲೆ ? ||
ಚೂರು ಹೂ ಮುಡಿಗೇರೆ ಎಂಥ ಲಕ್ಷಣ ನೀವು !
ದಾರಿಹೋಕರ ದೃಷ್ಟಿ ತೆಗೆದು ಬಿಡಲೆ ? || ೨ ||
ಕೆಲಜನರು ಹೇಳುವರು ಕೈಯಳತೆ ಕಿರಿದಾಯ್ತು
ಹಲವು ಮಂದಿಗೆ ಬೇಡವವಳ ಹೂವು ||
ಮಲತಾಯಿ ಕಾಟದಲಿ ಬೆಂದಿರುವ ಮೃದುಮನವು
ತಲೆಯೊಳಗೆ ಚಿಂತೆಗಳು ಬಿಡದ ನೋವು || ೩ ||
ಸರಳ ಮನಸಿನ ಹುಡುಗ ಮೊಳ ಹೂವ ಕೊಳ್ಳುತಲಿ
ಬಿರಿದಿತ್ತು ಸಂತಸದಿ ಹುಡುಗಿ ಮೊಗವು ||
ದರದ ಮುಖ ನೋಡದೆಲೆ ಹೂವ ಕೊಳ್ಳುವರಿರಲು
ಮರೆಯಿತಂದಿನ ಕಷ್ಟವರಳಿ ನಗುವು || ೪ ||
ಕೊಂಡು ಕಟ್ಟಿದ ಹೂವು ಮಾರಿ ಮುಗಿಸುವ ಮುನ್ನ
ಉಂಡು ಮಲಗುವ ಯೋಗವಾಕೆಗಿಲ್ಲ ||
ಕೊಂಡುಕೊಳ್ಳಲು ಮಂದಿ- ಹಗುರಾಯ್ತು ಹೂಬುಟ್ಟಿ
ಬೆಂಡಾಯ್ತು ಹೂಹುಡುಗಿ - ಮೊಲ್ಲೆಯಲ್ಲ ! || ೫ ||
- ಸುರೇಖಾ ಭೀಮಗುಳಿ
14/06/2017
ಚಿತ್ರ : ಅಂತರ್ಜಾಲ
ಸ್ಫೂರ್ತಿ : ’ಸಹೆ’ ಕವನಗಳು
ಸೀರೆಯೊಡತಿಯೆ ಕೊಂಚ ಹೂವ ಕೊಡಲೆ ? ||
ಚೂರು ಹೂ ಮುಡಿಗೇರೆ ಎಂಥ ಲಕ್ಷಣ ನೀವು !
ದಾರಿಹೋಕರ ದೃಷ್ಟಿ ತೆಗೆದು ಬಿಡಲೆ ? || ೨ ||
ಕೆಲಜನರು ಹೇಳುವರು ಕೈಯಳತೆ ಕಿರಿದಾಯ್ತು
ಹಲವು ಮಂದಿಗೆ ಬೇಡವವಳ ಹೂವು ||
ಮಲತಾಯಿ ಕಾಟದಲಿ ಬೆಂದಿರುವ ಮೃದುಮನವು
ತಲೆಯೊಳಗೆ ಚಿಂತೆಗಳು ಬಿಡದ ನೋವು || ೩ ||
ಸರಳ ಮನಸಿನ ಹುಡುಗ ಮೊಳ ಹೂವ ಕೊಳ್ಳುತಲಿ
ಬಿರಿದಿತ್ತು ಸಂತಸದಿ ಹುಡುಗಿ ಮೊಗವು ||
ದರದ ಮುಖ ನೋಡದೆಲೆ ಹೂವ ಕೊಳ್ಳುವರಿರಲು
ಮರೆಯಿತಂದಿನ ಕಷ್ಟವರಳಿ ನಗುವು || ೪ ||
ಕೊಂಡು ಕಟ್ಟಿದ ಹೂವು ಮಾರಿ ಮುಗಿಸುವ ಮುನ್ನ
ಉಂಡು ಮಲಗುವ ಯೋಗವಾಕೆಗಿಲ್ಲ ||
ಕೊಂಡುಕೊಳ್ಳಲು ಮಂದಿ- ಹಗುರಾಯ್ತು ಹೂಬುಟ್ಟಿ
ಬೆಂಡಾಯ್ತು ಹೂಹುಡುಗಿ - ಮೊಲ್ಲೆಯಲ್ಲ ! || ೫ ||
- ಸುರೇಖಾ ಭೀಮಗುಳಿ
14/06/2017
ಚಿತ್ರ : ಅಂತರ್ಜಾಲ
ಸ್ಫೂರ್ತಿ : ’ಸಹೆ’ ಕವನಗಳು
