" ಮುದ್ದು ಕಂದ "

" ಮುದ್ದು ಕಂದ "
-------------------
ನಿದ್ದೆಯ ಮಾಡಿಹ ಮುದ್ದಿನ ಕಂದನ
ಮುಖದಲ್ಲೇಕೋ ಮುಗ್ಧ ನಗು ||
ಕಾರಣವೇನೋ ? ಎನ್ನುವ ಯೋಚನೆ
ಏಕೆಂದರೆ ಅವ ನನ್ನ ಮಗು || ೧ ||

ಕನಸಲಿ ದೇವನ ಕಂಡನು ಪುಟ್ಟನು
ಎನ್ನುತಲಿಹಳೂ ಅವನಮ್ಮ ||
ದೇವರು ಪಾಠವ ಮಾಡುತಲಿಹರೋ ?
ಹೇಳಿಬಿಡು ನೀ ’ಹೌದಮ್ಮ’ || ೨ ||

ಮೋದದಿ ನಗುತಿಹ ಪುಟ್ಟನ ಮುಖವೂ
ಅರೆಕ್ಷಣದಲ್ಲಿ ಅಳುಮೋರೆ ||
ಯಾರೋ ನಿನ್ನನು ಹೆದರಿಸ ಬಂದರೆ ?
ಹೇಳಿಬಿಡೋ ನೀ ನನ್ನ ದೊರೆ || ೩ ||

ಪುಟ್ಟನೆ ಕಾಲ್ಗಳೊ ಮುದ್ದಿನ ಕೈಯ್ಯೋ
ಹಸಿಹಸಿ ಮೈಯ್ಯಾ ಹಸುಕೂಸು ||
ಕಲ್ಮಶವೆನ್ನುವ ಭಾವವೆ ಮೂಡದ
ಶುದ್ಧಾತ್ಮನ ನೆಲೆ ಹೂ ಮನಸು || ೪ ||

ರಾಮಚಂದಿರನೊ ಉಡುಪಿಯ ಕೃಷ್ಣನೊ
ಯಾರೈ ನೀನೂ ಹೇಳು ಮರಿ ||
ಮಧುಸೂದನನಾ ಪ್ರತಿರೂಪವು ನೀ
ನನ್ನಯ ಪಾಲಿಗೆ ನೀನೆ ಹರಿ || ೫ ||

- ಸುರೇಖಾ ಭೀಮಗುಳಿ
29/01/2016
ಚಿತ್ರ : ಅಂತರ್ಜಾಲ

ನನ್ನ " ಭಾವ ಭಿತ್ತಿ " ಪುಟಕ್ಕೆ ಸ್ವಾಗತ......
https://www.facebook.com/surekha.bheemaguli