" ನನ್ನೂರ ರೈತ "

" ನನ್ನೂರ ರೈತ "
**************

ಕಂಬಳಿಯ ಕೊಪ್ಪೆಯಲಿ ಶೋಭಿಸಿಹ ರೈತನೇ
ಹುಟ್ಟೂರ ಪ್ರತಿನಿಧಿ ನನಗಾದೆ ನೀನು ||
ಹಗ್ಗದಾ ಸುರುಳಿಯನು ತಲೆಯಲ್ಲಿ ಸುತ್ತಿರುವೆ
ಹಸಿಹುಲ್ಲು ತರಲೆಂದು ಹೊರಟಿರುವೆಯೇನು ? || 1 ||

ನೆರೆದಿರುವ ಗಡ್ಡವದು ಎಷ್ಟೊಂದು ಸ್ಪಷ್ಟವಿದೆ
ಅನುಭವದ ಜೀವನದಿ ನೀನಾದೆ ಹಣ್ಣು ||
ಆಧುನಿಕತೆಯ ಹಂಗು ನಿನಗಿಲ್ಲ ಇಂದಿಗೂ
ಶುದ್ಧತೆಯ ಬದುಕನ್ನು ಸೂಸುತಿವೆ ಕಣ್ಣು || 2 ||

ಶುದ್ಧವಾಗಿಯೆ ಹೀಗೆ ಇದ್ದುಬಿಡು ಮುಂದೆ ಸಹ
ಮೆಚ್ಚುಲೀ ಭಗವಂತ ನಿನ್ನ ಬದುಕ ||
ಹುಚ್ಚು ಪ್ರಪಂಚವಿದು ಅಮಿಷಗಳನೊಡ್ಡುವುದು
ಅದರಲ್ಲಿ ಸಿಲುಕಿಹೆವು ಎಂಥ ಕುಹಕ ! || 3 ||

- ಸುರೇಖಾ ಭೀಮಗುಳಿ
26/08/2015
ಚಿತ್ರ ಕೃಪೆ : Sahana DN