" ಶ್ರಮಜೀವಿ "

ಸೆಗಣಿ ಉಂಡೆಯ ಮಾಡಿ ಹೊತ್ತೊಯ್ವೆ ಎಲ್ಲಿಗೇ ?

ಮಳೆನೀರು ಬಿದ್ದು ಅದು ಕರಗದೇನು ? ||

ಹೊತ್ತೊಯ್ದು ನೀನದನು ಇಡುವೆಯಾದರು ಎಲ್ಲಿ ?

ಕಲ್ಲಿನಾ ಅಡಿಯಲ್ಲಿ ಬಚ್ಚಿಡುವೆಯೇನು ? || 1 ||

ನೀವಿಬ್ಬರೊಡಗೂಡಿ ಮಾಡ್ವ ಸಾಹಸವೆಷ್ಟು ?

ನಿಮ್ಮ ಶ್ರಮವನು ಕಂಡು ಬೆರಗಾದೆನು || 

ನಿಮಗಿಂತ ಹತ್ತುಪಟ್ಟಿರಬಹುದೆ ನಿಮ್ಮ ಹೊರೆ ?

ಹೇಳಿಕೊಟ್ಟವರಾರು ಇಂಥ ಜಾಣ್ಮೆಯನು ? || 2 ||

ಪ್ರಕೃತಿಯ ಸೃಷ್ಟಿಯಲಿ ಮೇಲಿಲ್ಲ ಕೀಳಿಲ್ಲ

ಅವರವರ ದೃಷ್ಟಿಯಲಿ ಶ್ರೇಷ್ಠ ತಾನೆ ? || 

ಜೀವನದ ಪ್ರೀತಿಯಲಿ ಮೀರಿಸಿಹೆ ಎಲ್ಲರನು

"ಶ್ರಮಜೀವಿ" ಬಿರುದನ್ನು ಒಪ್ಪುತ್ತಿ ತಾನೆ ? || 3 ||

- ಸುರೇಖಾ ಭಟ್ ಭೀಮಗುಳಿ

30/07/2015

ಚಿತ್ರ ಕೃಪೆ : ಸುಮಂತ ಭೀಮಗುಳಿ