" ಮಾತು ಬೆಳ್ಳಿ "

ಮಾತು ಬೆಳ್ಳಿ... ಮೌನ ಬಂಗಾರ .... ದೀರ್ಘ ಮೌನದ ನಂತರದ ಮಾತು ವಜ್ರ .... ಯಾರಿಗೆ ಬೇಕ್ರೀ ಬಂಗಾರ- ವಜ್ರ ? ನಮಗೆ ಬೆಳ್ಳಿಯೇ ಸಾಕು ... ಖುಷಿ ಬಂದಷ್ಟು ವಟವಟ ಅನ್ಕೊಂಡು ಹಾಯಾಗಿರೋಣ .... ಆಗದಾ ? ನೀವ್ ಏನಂತೀರಿ ? 

ಮಾತದೋ ಬೆಳ್ಳಿಯೊಲ್ ಮೌನವದು ಬಂಗಾರ
ಮೌನದಾಚಿನ ಮಾತು ವಜ್ರವಂತೆ ||
ವಜ್ರವದು ಬಲು ಕಠಿಣ ಬಂಗಾರ ಶೃಂಗಾರ
ಬೆಳ್ಳಿ ಹತ್ತಿರ ಮನಕೆ ಗೆಜ್ಜೆಯಂತೆ || ೧ ||

ಮಾತಾಡಬಲ್ಲವರು ಮಾತನಾಡಲುಬೇಕು
ಮಾತಾಡೆ ಬಾರದಿರೆ ಕಿವಿಯಾಗಬೇಕು ||
ಮಾತೆಂಬುದೇ ನಮ್ಮ ಭಾವಬದುಕಿನ ಸೇತು 
ಮಾತಿಲ್ಲದಿರಲದುವು ಮೃಗದ ಬದುಕು || ೨ ||

ಗೆಜ್ಜೆಯಂತೆಯೆ ನಮ್ಮ ನುಡಿಯುಲಿತವಿರಬೇಕು
ಸ್ವರ್ಣದಮೃತದ ಕಲಶ ಎದೆಯೊಳಿರಬೇಕು ||
ವಜ್ರ ಸದೃಶದ ಕಠಿಣ ಮನದ ನಿರ್ಧಾರಗಳು
ಈ ಬದುಕ ಬಂಡಿಯನ್ನೆಳೆಯಬೇಕು || ೩ ||

- ಸುರೇಖಾ ಭೀಮಗುಳಿ
07/12/2018
ಚಿತ್ರ : ಅಂತರ್ಜಾಲ
ತಿದ್ದುಪಡಿ ಮಾರ್ಗದರ್ಶನ - ಅರಿಸಮಾಸದ ಅರಿಗಳನ್ನು ಸಂ’ಹರಿ’ಸಿದವರು: ವಿಶ್ವ ಸರ್