"ಸ್ಯಾರಿ- ಸ್ವಾರಿ-ಸ್ಟೋರಿ" (Saree-Sorry-Story)

ತರಳೆಯರು ಮುಳುಗಿಹರು ಕನಸುಗಳ ಜಾಲದಲಿ
ಅರಳಿ ನಿಲ್ಲಲಿಯವರ ಭವಿತವ್ಯವು ||
ಪರಿಪರಿಯ ಭಾವಗಳ ಸ್ಫುರಿಸುತಿವೆ ನಯನಗಳು
ಮೆರೆಯುತಿದೆ ಪ್ರಜ್ವಲಿಸುತಿರುವ ಮೊಗವು|| ೧ ||😍😍😍

ಯಾರಿವರು ಕನ್ನಿಕೆಯರೆಂದು ಯೋಚಿಸುತಿದ್ದೆ
ಬಂಗಾರದಂಗಡಿಯ ರೂಪಸಿಯರು ||
ಸಾರಿ ಕುಳಿತಿಹರಿಲ್ಲಿ ಭಾರಿ ಮಾತಾಡುತ್ತ
ಸೀರೆಯೊಡನೊಡವೆಯನು ಮೆರೆಸುತಿಹರು || ೨ || 😜😜😜

ಅಂದು ಸಂಜೆಯ ವೇಳೆ ಚಂದನೆಯ ಚಿತ್ರವಿದ
ಮುಂದಿಟ್ಟು ತೋರಿದೆನು ನನ್ನವರಿಗೆ ||
'ಅಂದಗಾತಿಯರಿವರು ಮೇರು ಸೌಂದರ್ಯದಲಿ'
ಎಂದು ಹೊಗಳಿದರಿವರು ನನ್ನೆದುರಿಗೆ ! || ೩ || 😳😳😳

ತೋರಿದ್ದು ಸೀರೆಯನು ಕಂಡದ್ದು ನಾರಿಯರು
ಬಾರದಿರುವುದೆ ನನಗೆ ಕೊಂಚ ಸಿಟ್ಟು ? ||
ಬೇರೆ ಮಾತಾಡದಲೆ ತನ್ನಿರಿಂಥದ್ದೊಂದು
ಸೀರೆ ಬೇಕೆನಗೆಂದೆ ಬಿಡದೆ ಪಟ್ಟು || ೪ || 😡😡😡

ದಾರಿಕಾಣದೆಯಿವರು ನಾರಿಯರ ಪಟಪಿಡಿದು 

ಸೀರೆಯಂಗಡಿಯಲ್ಲಿ ಹುಡುಕಿ ಹುಡುಕಿ ||
ಮೋರೆ ಕಪ್ಪಾಯಿತದೊ 'sorry' ಕೇಳಿಹರೀಗ
'ಬೇರೆ ನಾರಿಯ ಹೊಗಳೆನಿನ್ನು ದುಡುಕಿ' || ೫ || 😥😥😥

ಛೇ ! ಪಾಪ ! 😁😁😁

- ಸುರೇಖಾ ಭೀಮಗುಳಿ
26/03/2018
ಚಿತ್ರ : kavana TN jois ಅವರ ಗೋಡೆಯಿಂದ.
ತಿದ್ದುಪಡಿ ಮಾರ್ಗದರ್ಶನ : ವಿಶ್ವ ಸರ್.