" ಕಾವ್ಯಕನ್ನಿಕೆಯ ಕೋಪ "

ಕೋಪದಲಿ ಬೆಂದಿಹಳು ನನ್ನ ಮುದ್ದಿನ ಮಗಳು
ಕಾವ್ಯ ಕನ್ನಿಕೆಗಿಂದು ನೋವಾಗಿದೆ ||
ಬೇಸರದಿ ನೊಂದಿಹಳು ಮೃದು ಮನವು ಬಾಡಿಹುದು
ಮುತ್ತಿಟ್ಟು ಉಪಚರಿಸಬೇಕಾಗಿದೆ || ೧ ||

ಗದ್ಯದುಪಚಾರದಲಿ ನನ್ನ ಮೆರೆತಿಹಳಮ್ಮ
ಎಂಬ ಕೊರಗದು ನನ್ನ ಕಾವ್ಯಕನ್ನಿಕೆಗೆ ||
ನೋವುಂಡು ಗೊತ್ತಿಲ್ಲ ಸೂಕ್ಷ್ಮಮನದವಳೀಕೆ
ಬಿಕ್ಕುತ್ತ ಕುಳಿತಿಹಳು ಮಡಿಲಿನೊಳಗೆ || ೨ ||

ದಿನದಿನವು ಹೊಸಕಥೆಯ ಹೆಣೆಯುತ್ತ ಕುಳಿತಿರುವೆ
ದೂರುತಿರುವಳು ಮಗಳು ಮುನಿಸಿನಿಂದ ||
ಆಗಾಗ ಸಂತೈಸಿ ಮುದ್ದಿಸದೆ ಹೋದರೇ
ಸಹಿಸಲಾಗದು ನೋವು ಆಕೆಯಿಂದ || ೩ ||

ಏನು ಮಾಡಲಿ ಹೇಳಿ ? ಹೇಗೆ ಸಮಧಾನಿಸಲಿ ?
ಕಥೆಯ ಬರೆಯೆಂದವರು ನೀವಲ್ಲವೇ ? ||
ಮಗಳ ಸಂತ್ವನಕಿಂದು ಹೊಸ ವಿದ್ಯೆ ಹೇಳಿಕೊಡಿ
ನನ್ನ ಸ್ನೇಹಿತರೆಂದು ನೀವಿಲ್ಲವೇ ? || ೪ ||

- ಸುರೇಖಾ ಭೀಮಗುಳಿ
01/03/2016
ಚಿತ್ರ : ಅಂತರ್ಜಾಲ

ನನ್ನ " ಭಾವ ಭಿತ್ತಿ " ಪುಟಕ್ಕೆ ಸ್ವಾಗತ......
https://www.facebook.com/surekha.bheemaguli